Maxfiylik siyosati

1. Yig'iladigan ma'lumotlar

• Hisob: ism, email, telefon raqami, til. Parol ochiq saqlanmaydi, faqat Argon2 xeshi saqlanadi.
• Google orqali kirishda: Google hisobingizdagi ism, email va identifikator.
• Kompaniya: nomi, manzili, faoliyat yo'nalishi, sotadigan tovarlar, xodimlar ro'yxati, o'rinlar va hisob-fakturalar.
• CRM ichiga kiritilgan ma'lumotlar: lidlar va ularning kontaktlari, izohlar, vazifalar, qo'ng'iroqlar va yozuvlari, chat xabarlari, yuklangan fayllar.
• Texnik ma'lumotlar: IP manzil, brauzer turi, sessiyalar va muhim amallar jurnali.
• Telegram botni ulasangiz: Telegram identifikatori va foydalanuvchi nomi.

2. Maqsadlar

Ma'lumotlar sotilmaydi va reklama uchun ishlatilmaydi.

• Hisobga kirish va xavfsizlikni ta'minlash.
• CRM xizmatini ko'rsatish va kompaniya ma'lumotlarini saqlash.
• To'lov, sinov muddati va bildirishnomalar bo'yicha xabar berish.
• Sinov davrida egasi bilan telefon orqali bog'lanish va yordam ko'rsatish.

3. Google ma'lumotlari

Google orqali olingan ism, email va identifikator faqat hisobga kirish va hisobni aniqlash uchun ishlatiladi. Ular uchinchi tomonlarga berilmaydi va reklama uchun ishlatilmaydi.

HunterCRM'ning Google API'laridan olingan ma'lumotlardan foydalanishi Google API Services User Data Policy talablariga, jumladan Limited Use talablariga mos keladi.

4. CRM'dagi mijozlar ma'lumoti

Kompaniya CRM'ga kiritgan lidlar va mijozlar ma'lumoti uchun o'sha kompaniya javobgar. HunterCRM bu ma'lumotni faqat shu kompaniya topshirig'i bilan, xizmat ko'rsatish uchun qayta ishlaydi. Har kompaniyaning ma'lumoti alohida bazada saqlanadi.

5. Davomat va FaceID

Kompaniya Davomat modulini yoqsa, xodim keldim va ketdim belgilaganda vaqt, lokatsiya va rasm kompaniya bazasiga yoziladi. Rasmlar 60 kundan keyin o'chiriladi.

FaceID uchun yuzdan raqamli namuna (128 ta son) xodim telefonida yoki brauzerida hisoblanadi va faqat xodim roziligi bilan saqlanadi. Bu biometrik ma'lumot bo'lib, tashqi xizmatlarga berilmaydi. Xodim uni istalgan payt o'zi o'chira oladi, ishdan ketganda ham o'chiriladi. Bu ma'lumotlar bo'yicha kompaniya ma'lumot egasi hisoblanadi va xodimlarini xabardor qilishga mas'ul.

6. Uchinchi tomon xizmatlari

Ma'lumot faqat xizmat ishlashi uchun kerak bo'lgan hajmda va siz ishlatadigan funksiyalar doirasida uzatiladi:

• Google: hisobga kirish, siz ulagan Google Sheets jadvali, sayt shriftlari.
• Payme va Click: to'lov. Karta ma'lumotlari shu xizmatlarda kiritiladi, HunterCRM ularni olmaydi va saqlamaydi.
• Utel: siz ulagan telefoniya va qo'ng'iroq yozuvlari.
• Meta: siz ulagan reklama formalaridan lidlar.
• Telegram: siz ulagan bot orqali bildirishnomalar.
• Email xizmati: tizim xatlari.
• Hosting: serverlar Yevropa Ittifoqida (Litva) joylashgan.

7. Himoya

• Barcha ulanishlar HTTPS orqali shifrlanadi.
• Parollar xeshlangan, integratsiya kalitlari va ikki bosqichli tasdiqlash siri shifrlangan holda saqlanadi.
• Har kompaniya uchun alohida baza va ruxsatlar tizimi ishlatiladi.

8. Cookie fayllari

Faqat ishlash uchun zarur cookie fayllari ishlatiladi: sessiya, himoya va til tanlovi. Mavzu tanlovi brauzeringizda saqlanadi. Reklama va tahlil cookie fayllari ishlatilmaydi.

9. Saqlash muddati

Ma'lumotlar hisob yoki kompaniya faol bo'lgan davrda saqlanadi. O'chirish so'rovi olingach, ma'lumotlar 30 kun ichida o'chiriladi. Qonun talab qilgan ma'lumotlar, masalan to'lov hujjatlari, belgilangan muddatgacha saqlanishi mumkin.

10. Huquqlaringiz

Siz o'z ma'lumotlaringizni ko'rish, tuzatish, o'chirishni so'rash va roziligingizni qaytarib olish huquqiga egasiz. Ism va telefonni Sozlamalar → Profil bo'limida o'zgartirish mumkin. Boshqa so'rovlar uchun quyidagi email orqali yozing. Agar ma'lumotingiz biror kompaniya CRM'iga kiritilgan bo'lsa, avval o'sha kompaniyaga murojaat qiling.

11. Yosh cheklovi

Xizmat bizneslar uchun mo'ljallangan va 18 yoshga to'lmagan shaxslar uchun emas.

12. O'zgarishlar

Siyosat o'zgarsa, shu sahifa yangilanadi va yuqoridagi sana o'zgaradi.

13. Bog'lanish

Maxfiylik bo'yicha savollar uchun: